Crews: 阿茂, 志光, Oldfield, 惠玲
本來諗住要摺, 但後來因為天氣太好, 決心太強, 志光哥既犧牲精神, 最後決定再戰田...!
旺角天氣好正, 屯門都係, 深藍色既天, 天蝎座頭頂三粒星, 都係尋日無既, 所以雖然 Oldfield 想去大尾篤 (東), 志光哥想去石澳 (南), 茂叔想去錦田 (北), 最後, 志光哥犧牲自己既意願, 去左錦田...
尋日發現 251M 勁快, 約二十分鐘可到錦田! 好似令到我地失左任何去大帽山既原因... 露營除外!
檢討後發現在大帽山從來都無新深空天體搵倒, 除左 double clusters,睇黎呢個唔係一個好地方... X(
成九點先入到錦田, 因為大家都要 compromise... 最後十點半走, 仲走左班車, 志光哥真慘, 因為第二朝要早返工, 佢又住得最遠(HK Island!)...
呢晚想搵 Omega (NGC 5139), 不過我張美國星圖無, 又可能因為真係太低, 所以睇唔倒, 但最後返屋企之後 verify 發覺有其實機會可以!算啦, 下次一定要帶 DeepMap 600....
原來志哥光話佢尋晚已經搵倒鯨魚座, 仲話中間有個鈎, 好型... 我聽佢話, 都搵倒, 惠玲 spend 左一段時間, 都搵倒... 但後來勁眼茂叔話果個唔係鯨魚, 唔知係乜... 因為都唔係果個位...
之後叫左果個野叫 "志光座"... 茂叔用大鏡搵倒, 最後我映左張相, 返屋企後發覺呢個叫衣架星團 (Cr399 - CoatHanger), 真係勁似!
Lagoon M8, M7, M6 都無問題, 又映左幾相月球, 同埋 M7... 呢次個 M7 好左好多, 因為得各方好友指點得以對焦更準! 又搵倒三件另外既 (即除左 CoatHanger) 新野: M22, M23, M25... 都係茶壺頂, 無乜難度... 搵 M13 容易好多, 因為武仙既四邊形肉
眼睇得非常清楚!
仲搵到真正既鯨魚, 仲有天箭 (只有茂叔可以肉眼睇倒)... 另外仲發現原來志光哥既 Albireo (藍橙雙星), 同我一路講既原來唔同添... 鵝頭同鵝尾原來大家無乜共識... 哈哈!
最後走既時候, 見倒一粒幾低下既光星... 當時唔知係乜, 後來check 星圖之後發現係 "北落師門"...
大帽山, 依家呢 function 唔係觀星, 依家可能只有行山, 頹露營, 或者係擋住 D 雲... 我地發覺旺角好天, 屯門好天, 但荃灣多雲, 元朗就... 都係靠大帽山頂住!
No comments:
Post a Comment